Moнголд ойролцоогоор 10,000-12,000 сонсголын бэрхшээлтэй хүмүүс байдаг. Гэхдээ тэдний 1% нь л уншиж бас бичиж чаддаг. Одоогоор ЕБС-д 4000 орчим сонсголын бэрхшээлтэй хүүхдүүд сурч байна.
Жирийн иргэдийн дунд сонсголгүй иргэд нь бичиг үсэг хангалттай мэддэг гэж ойлгодог.
Гэвч тэд ярианы болон бичгийн хэл нь биднээс ялгаатай. Сонсголгүй хүн дохионы болон монгол хэл /амны хайрцаг/ гэсэн 2 хэлийг сурах шаардлагатай байдаг.
Тиймээс тэдэнд зориулсан тусгай орчуулга бүхий хөрвүүлсэн библийн хувилбар хэвлэмэл буюу видео хэлбэрээр зайлшгүй хэрэгцээтэй байна.
Дохионы хэлний библийн төсөл нь тэдний зүрхэнд хүрч тэдний амьдралыг өөрчлөн, Бурханыг илүү ихээр таньж мэдэхэд тусална гэж бид итгэж байна.
Бид энэхүү сонсголгүй иргэдэд зориулсан Библийн төслийг “Хайрын Дохио” гэж нэрлэлээ.
СОНСГОЛГҮЙ ИРГЭДИЙН БИБЛИ
ТӨСЛИЙН ХЭРЭГЦЭЭ
ТӨСЛИЙН ЗОРИЛГО
– Монголын сонсголгүй иргэдэд зориулсан Библи хийх
– Христэд итгэгч сонсголын бэрхшээлтэй иргэдэд шинэ дохионы хэлийг нэвтрүүлэх
– Монголд байгаа 10,000-12,000 сонсголгүй иргэдэд дохионы хэлний Библийг түгээх
ЗАЛБИРАЛ БА ДЭМЖЛЭГ
Ам хэлгүй, арилж одох
Хөөрхийсийн төлөө амаа нээ.
Амаа нээж, зөв шударгаар шүү
Ядуус ба зүдрэгсдийг шүүн өмгөөл.
Сургаалт үгс 31:8-9
ЗАЛБИРЛЫН СЭДЭВ
– Тус төслийн санхүүжилт
– Төлөвлөсөн ажлууд хугацаандаа чанартай хийгдэхийн төлөө
– Ажиллаж буй багийн төлөө
СТАНДАРТ МОНГОЛ ОРЧУУЛГА
Бид Библийг эх хэлнээс нь үнэн зөв, ойлгомжтойгоор орчуулахыг зорино. Ингэхдээ Монгол хэлний дүрэм, үг хэллэгийн онцлогийг тусгаж дуудан уншихад сонсголонтой байлгахыг эрмэлзэнэ.
ХАРААГҮЙ ИРГЭДИЙН БИБЛИ
Монголд Ойролцоогоор 16,600 орчим харааны бэрхшээлтэй иргэд байдаг гэсэн тоо байдаг. Монголд Хараагүй иргэдэд зориулсан төв харьцангүй цөөн.
