110 ¹ЭЗЭН миний Эзэнд
“Би чиний дайснуудыг хөлийн чинь гишгүүр болгох хүртэл
Миний баруун гар талд суу” гэдэг.
²“Өөрийн дайснуудын дунд захир” гээд
ЭЗЭН Сионоос Таны хүчтэй очирт таягийг сунгана.
³Таны хүчний өдөр Таны ард түмэн ариун гоёл чимгээ зүүн сайн дураараа үйлчлэх болно.
Үүр хаяарахад Таны залуучууд шүүдэр мэт Танд ирнэ.

⁴ЭЗЭН тангарагласан бөгөөд бодлоо өөрчлөхгүй,
“Мелхизедекийн хэргэмийн дагуу
Чи бол мөнхийн тахилч юм” гэв.
⁵Эзэн бол Таны баруун гар талд байна.
Тэр хилэнгийнхээ өдөр хаадыг бут цохих болно.
⁶Тэрээр үндэстнүүдийн дунд шүүж,
Хүүрээр дүүргэн,
Өргөн уудам орны дээрх тэргүүн хүмүүсийг бут цохино.
⁷Тэрээр замын хажуугийн горхиноос ундаална.
Тиймээс Тэр тэргүүнээ өргөх болно.